"Балдәурен" жазғы демалыс лагерінің 1 ауысымының "Қош бол сүйікті лагерь" атты жабылу салтанаты

21 маусым күні "Балдәурен" жазғы демалыс лагерінің 1 ауысымының "Қош бол сүйікті лагерь" атты жабылу салтанатты өтті. Мерекелік концертіміз балалардың ән шашуымен басталды.Концерт барысында балалар жаз туралы жаттаған тақпақтарын айтып, қыз балалар "Гүлдер" және "Заманауи" билерін билеп, әртүрлі қызықты ойындар ойнап, жұмбақтар шешіп, жаз мезгілінің киім үлгісін көрсетіп, "Шалқан" ертегісінен сахналық көрініс тамашалап ертегі әлеміне саяхат жасап қайтқандай әсерде болды. Лагерь жетекшісі Зарина Бекежановна балаларға өзінің жақсы тілегін айтып құттықтады. Лагерь басталғалы күнделікті келіп, өзін белсенді көрсеткен балаларға мақтау қағаздары мен алғыс хаттар табысталды. Түскі астарын ішкен соң балаларға тәтті мақта таратылып, үйлеріне жақсы көңіл-күймен тарасты.