2024 жылдың 08 қаңтарында мектебімізде 1-11 сынып оқушыларымен «Туған өлке ақындарының шығармалары» атты тәрбие сағаты өткізілді. Мақсаты: Туған өлке ақындарының шығармаларын балаларға насихаттау; Кітап оқуды әдетке айналдыру; Өлең жолдарын мәнерлеп оқуға үйрету. Тәрбие сағатында ұстаздар жерлес ақын Саят Қамшыгер поэзиясы жайында сөз қозғаса, оқушылар ақын өлеңдерін мәнерлеп, жатқа айтты.

Мектебімізде қаңтар айының 04 күні үйірме жетекшілерінің отырысы өткізілді. Отырыс барысында І жартыжылдық бойынша өткізілген үйірме жұмысының есебі тыңдалды. Үйірме жетекшілері өздерінің өткізген іс-шараларының қызықты сәттерімен бөлісті. Отырыс соңында әр жетекші ІІ жартыжылдықта өткізілетін іс-шаралардың мазмұнымен таныстырды. #АПҚО_Абай_облысы_Жарма

«Ұлттық мектеп лигасы» жобасы негізінде 2024 жылдың 03 қаңтарында білім алушылардың денсаулығы мен әл-ауқатын нығайту, қысқы демалыс уақытын тиімді өткізу мақсатында «Ұлттық ойын - ұлт қазынасы» атты спорттық ойындары өткізілді. Аталған спорттық ойындарға 7-9 сынып оқушылары белсене қатысты. #АПҚО_Абай_облысы_Жарма

Оқушылардың бос уақыттарын тиімді пайдалану мақсатында қысқы каникул кезіне ұйымдастырылған іс-шаралар жоспарына сәйкес ғылыми жоба жұмыстары туралы ақпараттық-танымдық сабақ ұйымдастырылып, құрылған жоспар негізінде оқушылардың ғылыми ізденіс жұмыстарына нұсқаулық берілді. #АПҚО_Абай_облысы_Жарма

9.12-20.12 күндері 9-11 сынып оқушылары арасында жалпы білім беретін пәндер бойынша республикалық олимпиаданың аудандық кезеңі өтті. Аудандық кезеңге мектебімізден 18 оқушы қатысты. Нәтижесінде: Мақсұтбек Нұрай қазақ тілі мен әдебиеті пәнінен, Құсман Ақтанби химия пәні бойынша ІІ орын; Ахметкәрім Тахмина Қазақстан тарихы пәнінен, Омарбекова Бақыт физика пәні, Ермұхамет Алуа биология пәні, Джакупова Айерке құқық негіздері пәнінен ІІІ орын иеленді. Жүлдегер оқушылар мен жетекшілерді құттықтаймыз!

Мектебімізде дәстүрге айналған «Бүлдіршінге тәтті (кулёк) сыйла» акциясы биылғы жылы да жалғасын тапты. Көпбалалы, аз қамтылған және денсаулығына байланысты үйден оқитын оқушыларға жаңа жыл қарсаңында демеушілер тарапынан тәттілер берілді. «Жақсының жақсылығын айт, нұры тасысын»,-дегендей Қамқор Локомотив депосының басшысы Ж.Р. Бисеновқа, Шар қаласы Халық банк басшысы Динара Шахимуратовнаға, 1999 жылғы түлек Каликенов Алемге, 2007жылғы түлек Тұрлыханов Берікханға, 2003 жылғы түлектерге,

Мектебімізде 11-сыныптың ұйымдастыруымен «Ғажайып Жаңа Жыл» атты мерекелік балл кеші өтті. Кеш барысында 8-11 сынып оқушылары әсем әуен шырқап, би билеп өз өнерлерін ортаға салды. 11-сынып оқушылары көптеген қызықты ойындар ойнатып барлық қатысушыларғп жаңа жылдық көңіл-күй сыйлады. Кеш соңында мектеп директоры Бейсембаева Меруерт Ертаевна оқушыларды жаңа жыл мерекесімен құттықтады. Мектеп түлегі, қазіргі таңда жас кәсіпкер Бехтеолов Амирды ортаға алып, құттықтап, мақтау қағазымен марапаттады.

Мектебімізде 5-7 сынып оқушыларымен «Жаңа жыл, жаңа думан» атты мерекелік шыршасы өткізілді. Жаңа жылдық шырша жаңа костюмдер киген (қоян, жүрек, аю, балапан, айдаһар) кейіпкерлермен ерекшеленді. Жаңа жылдың көркі Аяз ата мен Ақшақардың келуі, олардың дайындаған ойындары балаларды жаңа жылдық қуанышқа бөледі. Балалар әсем шамдар жағылған шыршаны айналып би билеп, ән шырқады. Кейіпкерлер дайындағае флешмобтары, ойындары бала жүзіне мерекелік күлкі ұялатты. Мереке соңында мектеп директоры М.Е.

Мектебімізде 2-4 сынып оқушыларымен «Жаңа жылға саяхат» атты мерекелік шыршасы өткізілді. Жаңа жылдық шырша жаңа костюмдер киген (қоян, жүрек, аю, балапан, айдаһар) кейіпкерлермен ерекшеленді. Жаңа жылдың көркі Аяз ата мен Ақшақардың келуі балалардың көңілін қуанышқа бөлеп, көтеріңкі көңіл-күй сыйлады. Балалар әсем шамдар жағылған шыршаны айналып би билеп, ән шырқап, өлең оқыды. Мереке соңында мектеп директоры М.Е. Бейсембаева өз құттықтау сөзін айтып, санаулы уакытта табалдырықтан аттағалы