"Бала еңбегін қанауға қарсы 12 күн"

Мектебімізде 1-12 маусым аралығында "Бала еңбегін қанауға қарсы 12 күн" Ұлттық ақпараттық науқанына байланысты іс-шаралар ұйымдастырылды. Науқан ұраны: "Бала еңбегін пайдалануға жол жоқ!"
Мақсаты: Бала еңбегін пайдалану проблемасына қоғамның назарын аудару. Науқанның бірінші күні бала еңбегінің ең нашар түрлері проблемалары және балаларды сатуды алдын алу мақсатында "Зорлық зомбылықсыз балалық шақ" тақырыбында плакаттар, суреттер көрмесі өткізілді. Келесі күні ата-аналар қауымының қатысуымен "Отбасыда зорлық-зомбылыққа жол жоқ", "Түнгі қаладағы балалар", "Жасөспірім", "Көше" тақырыптарында мектеп инспекторы кең ауқымды ақпараттық шара өткізді. Науқан барысында "Бала еңбегі бұл не?" тақырыбында бейнероликтер көрсетілді.

«Адамның бір қызығы бала деген» деп ұлы дана, кемеңгер Абай айтқандай, бала – адамның бауыр еті, өмірінің жалғасы, көрер қызығы, артына қалдырар ұрпағы, сондықтан қабырғасы қатпаған, буыны бекімеген жастың еңбек құқығын сақтауға қатысты заңнаманың мүлтіксіз орындалуы – заман талабы. Бұл жас ұрпақтың алдындағы азаматтық парызымыз болмақ. Бала аспанын бұлт шалмасын. Балалар біздің болашағымыз!