"Отбасы күні"

Мектебімізде қыркүйек айының әр екінші жексенбісінде "Отбасы күні" бейнеролик аталып өтіледі. Осыған орай, жоспар құрылып, төмендегідей іс-шаралар өткізілді. 1-11 сынып оқушылары арасында "Анаға сыйлық" конкурсы өтті. Өмірлік қиын жағдайда жүрген отбасылар үшін қайырымдылық акциясы ұйымдастырылды. 1-6 сынып оқушыларының қатысуымен "Бақыт - бұл...", "Менің отбасым" тақырыбында суреттер көрмесі өткізілді. "Отбасы-өнеге айнасы" тақырыбында кітаптар көрмесі ұйымдастырылды. "Отбасы - бақыт мекені" тақырыбында эссе байқауы ұйымдастырылып, оқушылар отбасы деген сөзді қалай түсінетіндігі жайлы ойларын қағаз бетіне түсірді. Мектеп психологы қашықтан ата-аналармен отбасындағы тәрбие туралы психологиялық тренинг, «Отбасы мәдениеті», «Отбасы бар екендігі қаншалықты жақсы» тақырыбында балалармен әңгіме жүргізді. "Отбасылық құндылықтар" тақырыбында пост жазу челленджі, ал келесі күні "Анаға қоңырау шалу" челленджі ұстаздар мен оқушылар арасында жүргізілді. Іс-шараның соңғы күні "Отбасы - бақыт мекені" тақырыбында біріңғай сынып сағаттары өткізілді.