"Тіл мәртебесі - ел мәртебесі" атты тілдер апталығы

Ана тілім, дана тілім, бақ тілім,
Сенсіз бақыт дүниеден тапты кім?
Сенсің менің қуанышым, шаттығым,
Сенсің менің тазалығым, пәктігім.
Әр адам өзінің тілін шыр етіп дүние есігін ашқаннан бастап құлағына сіңіруі тиіс. Себебі, тілін білген адамның ғана бойында патриоттық сезім қалыптасады. Олар елге, ұлтқа пайдалы мәселелерді қозғап, жауапкершілікті сезінеді. Өйткені, мемлекеттік тіл елімізде аса маңызды да, ең өзекті мәселе.
Мектебімізде 21-26 қыркүйек аралығында ҚР Тілдер күні мерекесіне арналған "Тіл мәртебесі - ел мәртебесі" атты тілдер апталығы өтті. Бұл апталықта іс-шаралар қазақ, орыс және ағылшын тілдерінде өткізілді. Аталмыш апталық аясында бекітілген жоспар бойынша мектебіміздің тіл мамандары Қазақстан Республикасында тұратын барша халықтың тілін, мәдениетін, салт-дәстүрін қорғауға және дамытуға бағытталған түрлі іс-шаралардың өтуіне белсене ат салысты. 1-4 сынып оқушылары арасында "Жеті жұрттың тілін біл" тақырыбында полиглот ұйымдастырылды. "Тіл мәртебесі - ел мәртебесі" тақырыбында 1-11 сынып оқушылары арасында сынып сағаттары өткізілді. Аптаның үшінші күні 5-7 сынып оқушыларымен әлеуметтік желі арқылы #тілімбардаайтыларсыройдағы2020 хэштэгі  арқылы мәнерлеп оқу үш тілде өткізілсе, аптаның төртінші күні дарынды және қабілетті оқушылар арасында "Жасай бер, ана тілім" тақырыбында скайп платформасы арқылы көркем сөз оқу сайысы өткізіліп, жеңімпаз оқушылар мақтау қағаздарымен марапатталды. Орыс тілі пәні мұғалімдері "Язык - мост дружбы" тақырыбында эссе, ал шет тілі пәнінің оқытушылары #2020Let'sgotogetherinEnglish тақырыбында бейнероликтер байқауы өткізілді. 
Түйіндей келе, бұл шаралар осы мерекемен ғана шектеліп қалмай, әрі қарай өз жалғасын табады деп ойлаймыз.