Балалар мен жасөспірімдер арасындағы жыныстық тәрбие және ерте жүктіліктің алдын алу» тақырыбында өткізілген біркүндік

2019 жылдың 27 қарашасында мектебімізде оқушылар арасындағы гигиеналық білім мен дағдыларды қалыптастыру, оқушылармен ата-аналарды ерте жүктілікпен байланысты қауіптермен таныстыру және жасөспірімдердің денсаулығы мен өмірі үшін жауапкершілігін арттыру мақсатында «Балалар мен жасөспірімдер арасындағы жыныстық тәрбие және ерте жүктіліктің алдын алу» тақырыбында өткізілген бір күндік іс-шара жоспары құрылып жұмыс жүргізілді. «Ерте жүктілік. Алдын алу және жасөспірімдердің жүктілігі туралы ескертулер»тақырыбында 7-11 сынып қыз балалар  арасында дөңгелек үстел өткізілді.Мектеп медбикесі қыздарға байланысты тиімді қасиеттерді айтып  таныстырды. Қыздар өз ойларымен бөлісті. Ерте жүктілік. Алдын алу және жасөспірімдердің жүктілігі туралы ескертулер»тақырыбында мектепішілік ата-аналар жиналысы ұйымдастырылды. Жиналысқа мектеп директоры, тәрбие ісі жөніндегі меңгерушісі, жасөспірімдер  инспекторы, қалалық ауруханадан акушер-гинеколог қатысты. Күн тәртібіне қойылған мәселе бойынша жауапты тұлғалар сөйледі. Слайд, видеороликтер   арқылы мағлұматтар терең түсінік берді. Мектеп директоры ата-ана жауапкершілігі туралы айтты, ал тәрбие ісінің меңгерушісі оқушылардың бос уақытын қадағалап, киім киісі жеке бас тәртібіне тоқталды. Жасөспірімдер инспекторы көше тәртібі туралы тоқталып, осы уақытқа дейінгі қылмыстық істер туралы анық айтты. Акушер-гинеколог «Ерте жүктілік» неге әкелетінін, ағзаға төнетін қауіп-қасіретін айқын жеткізді.Соңғы мәселе бойынша мектеп психологы видео ролик арқылы «Зорлық-зомбылыққа қарсымыз» тақырыбын ашты.  Ата-аналар балаларына деген қамқорлыққа өз ризашылығын білдіріп сөз алысты. Соңынан психологиялық ахуал орнатып аяқталмаған тезис жаттығуын орындады.