1 қыркүйек - Білім күні

1 қыркүйек - Білім күні мерекесіне орай мектебімізде 1,11 сынып оқушыларымен "Мектебім - мейірім мекені" атты салтанатты жиын өтті. Жиынға аудандық мәслихат төрағасы М.М.Оспанбаев, ақсақалдар алқасының төрағасы Т.М. Айкымбеков, учаскелік полиция инспекторы, полиция лейтенаты А.М.Муслимов қатысты. Құрметті қонақ М.М.Оспанбаев жаңа оқу жылының басталуымен құттықтап, сәттілік тіледі. Мектеп директорының міндетін атқарушы Э.Д.Енсенова 1-сыныпқа алғаш қадам жасап отырған бүлдіршіндер мен ертеңгі түлек - 11-сынып оқушыларын айтулы мерекемен құттықтап, жаңа оқу жылына сәттілік тіледі. Мереке барысында бишілер «Торсық» биін билесе, 3-сынып оқушысы Жанат Жанайым ән шырқады. Мереке соңында 11-сыныптың озат оқушысы Мақсұтбек Нұрай 1-сынып бүлдіршіндерімен қоңырау үнін әуелетті.
Қымбатты ұстаздар, ата-аналар, оқушылар!Сіздерді 1 қыркүйек-Білім күнімен дәстүрлі жаңа оқу жылының басталу салтанатымен құттықтаймыз