"Жас сақшы" әскери-спорттық патриоттық клубы

Бүгінгі күнгі өскелең ұрпақты ақылды, парсаттты, рухани ойлау дәрежесі биік, ар-ожданы мол, еңбекқор, іскер, талғамы жоғары патритот азамат етіп тәрбиелеу мақсатында 10.02.2018 жылы Жарма ауданы «Абай атындағы мектеп-балабақша кешені» КММ ауған соғысының ардагері, Самат Сарбасұлы Бейсембаев атындағы «Жас сақшы» әскери-спорттық патриоттық клубы ашылды. Клубтың ашылу салтанатына орай, Жарма ауданы әкімінің орынбасары Ибраев Айдар Маратович, ШҚО «Әскери спорттық клубтар федерациясы» қоғамдық бірлестігінің төрағасы капитан Тусупов Серік Асаубаевич, Ауған соғысы ардагерлерінің төрағасы Бургужинов Тілеухан Ануарбекович, Жарма ауданы Ауған соғыс ардагерлерінің бірінші орынбасары Траиспаев Нұрлан Шагибасович т.б. құрметті қонақтар қатысты. Әскери патриоттық клубтың ашылуы мерекелік концертпен басталып, кермеге тартылу, қолды бүгіп-жазу, денені шалқалап көтеру, газтұмылдырықты кию, жалпы қорғаныс костюмін кию, автоматты толық емес жинап шашу сияқты т.б. мәрелік жарыстармен жалғасын тапты. Жарысқа қаламыздың әр жерінен 7 команда қатысты. «Абай атындағы мектеп-балабақша кешенінен» «Жас сақшы» командасы, «Маяковский атындағы орта мектебі» КММ, «Абай атындағы мектеп-гимназия» КММ, «236 орта мектебі» КММ, «Жаңғызтөбе орта мектеп-балабақша кешені» КММ, Бородулиха ауданы Петроповловка аулынан Т.А.Аманов атындағы орта мектептен «Намыс» патриоттық клубы, Шар қаласынан «Б. Тұрсынов атындағы орта мектебі» КММ.
Жарыс нәтижесінде, «Маяковскиий атындағы орта мектебі» КММ 1-орын, «Абай атындағы мектеп-балабақша кешені» КММ 2-орын, «Абай атындағы мектеп-гимназия» КММ 3-орынды иеленді. Самат Сарбасұлы Бейсембаев атындағы «Жас сақшы» әскери спорттық патриоттық клубының ашылуы жоғары деңгейде өтті.Келешекте клуб жұмысының жанданып, ел тізгінін қолға алатын барынша, білімді жан-жақты білікті Отанын сүйген патриот азаматтарды тәрбиелейтіндігі сөзсіз.