20 наурыз - Зияткерлік күні

Мектебімізде 14-23 күні жалпыхалықтық Наурыз мерекесін тойлау аясында 20 наурыз - Зияткерлік күніне орай 1-8 сынып оқушылары арасында "Білімділер бәйгесі" атты зияткерлік күн өткізілді. Қазақ халқында балалардың ой-санасын жетілдіру, зияткерлік қабілетін дамытуда ауыз әдебиетінің алар орны ерекше. Батырлар жыры балаларды Отансүйгіштікке, адалдыққа, ерлікке тәрбиелесе, шешендік өнер табан астында сөз тауып айтуға, аталы сөзге тоқтауға үйретеді. 1-4 сынып оқушылары жатқа мақал-мәтелдер айтса, 5-8 сынып оқушылары жатқа жаңылтпаштарды мүдірмей айтып берді. Мақал-мәтел арқылы бала тоқсан ауыз сөзді тобықтай түйінін шешуге, өткеннен сабақ алуға машықтанады. Жаңылтпаш жаттаған баланың тілі жаттығып, есте сақтау қабілеті артып, топтың алдында еркін сөйлейтін болады.

Бейнеролик