18
январь
2024
«Біртұтас тәрбие бағдарламасы: құндылықтар және оны іске асыру жоспары» семинары
Жарма ауданы білім бөлімінің жоспарына сәйкес, Абай атындағы мектеп-балабақша кешенінде білім беру, қосымша білім беру мекемелері басшыларына, мектепке дейінгі ұйым меңгерушілеріне арналған «Біртұтас тәрбие бағдарламасы: құндылықтар және оны іске асыру жоспары» семинары өткізілді. Қатысушылар күрделі жөндеуден өткізіліп, қажетті заманауи техникалық құрал- жабдықтармен, жаңа форматтағы сыныптар, пәндік кабинеттермен жабдықталып, безендірілген мектепті тамашалады. Семинар мектептің педагог-психологы А.Галиеваның «Ұлттық құндылықтар- білімнің қайнар көзі» тақырыбында ұйымдастырған тренинг- жаттығуларынан бастау алып, жалғасын тапты. Білім беру мекемелерінің басшылары «Ата-аналарды педагогикалық қолдау орталығы «Даналық мектеп клубы», «Оқу-тәрбие үрдісінде білім алушылардың бойында тұлғалық құндылықтарды қалыптастыру», «Біртұтас тәрбие бағдарламасы аясында «Ұлттық тәрбие- ұрпақтар сабақтастығы»» мәселелері бойынша өз іс-тәжірибелерімен бөлісті. Мектепке дейінгі ұйым меңгерушілеріне «Ұлттық құндылық бастауы- балабақшада» (ертеңгілік), мектеп тәрбиешісі «Асық- алтын қазынам» (кіріктірілген сабақ), «Алтынай» балабақшасының меңгерушісі шығармашылық шеберхана ұйымдастырды. Сонымен қатар, мектептің пән мұғалімдері шеберлік сыныптарын өткізді.Семинар соңында қатысушылар өзара пікір алмасып, аудан білім бөлімінің басшысы Қ.Шаймұратов қорытынды сөзінде, мектептегі тәрбие жұмысын дұрыс үйлестіру арқылы ұлттық құндылықтарды негізге ала отырып, әділетті қоғам құруға адал ұрпақты тәрбиелеуде оқыту мен тәрбие ісін кіріктіру, ата-аналармен қарым- қатынасты нығайту, сонымен бірге берекелі отбасы мәдениетін дамыту қажеттілігіне тоқталды. Аудандық семинар қатысушылары ұйымдастырушыларға, мектеп әкімшілігі мен ұжымына ризашылық сезімдерін білдірді.
#Біртұтас_тәрбие_Абай_облысы_Жарма
#АПҚО_Абай_облысы_Жарма
#Біртұтас_тәрбие_Абай_облысы_Жарма
#АПҚО_Абай_облысы_Жарма