«Менің қабілеттерім» атты республикалық онлайн байқауы

Балаларды қорғау күніне орай Qabilet Қызметі жобасының қатысушылары арасында «Менің қабілеттерім» атты республикалық онлайн байқауы өтті. Байқау бірнеше кезең бойынша 10-11 жас аралығындағы мектеп оқушылары үшін өткізілді.
Қатысушылар qabilet.elbasyacademy.kz сайтына тіркеліп, 87 сұрақтан тұратын онлайн тестілеуден өтті. Қабілеттілік диагностикасынан кейін қатысушылар «Менің қабілеттерім» тақырыбында сурет салу байқауына қатысты. Байқау қорытындысы бойынша 10 жеңімпаз анықталды. Нәтижесінде мектебіміздің 4-сынып оқушысы Серғазин Ислам жеңіске жетті. Жеңімпазға сертификат және естелік сыйлықтар табыс етілді.
Исламды республикалық конкурстағы жетістігімен шын жүректен құттықтаймыз!