Республикалық олимпиаданың аудандық кезеңі

2022 жылдың 14-22 ақпаны аралығында Георгиевка орта мектебінің базасында барлық санитарлық –эпидемиологиялық нормаларды сақтай отырып 9-11 сынып оқушылары арасында жалпы білім беретін пәндер бойынша республикалық олимпиаданың аудандық кезеңі өткізілді. Олимпиада цифрлық форматтағы прокторинг жүйесінде ұйымдастырылды. Олимпиаданы өткізудің ашықтығы мен академиялық адалдығын бақылау үшін «Zharma -Adaldyq alany» жобалық кеңсесінің жетекшісі Қ.Тулеубаева, ата-аналар өкілдері қатысты. Аудан бойынша олимпиадаға 369 оқушы қатысты. Нәтижесінде мектебіміздің 10А сынып оқушысы Сүйгенбаева Наргиз қазақ тілі мен әдебиеті пәнінен І орын; 10А сынып оқушысы Ахметкәрім Талшын өзін-өзі тану пәнінен ІІ орын; 9А сынып оқушысы Слямғазы Балжан биология пәнінен ІІІ орынға ие болды. Ағымдағы жылдың 14 наурызында өтетін олимпиаданың облыстық кезеңіне Сүйгенбаева Наргиз жолдама алды. Білім мен біліктілігін көрсете білген жас жеңімпазға олимпиаданың облыстық кезеңінде жеңіс және сәттілік тілейміз!!!