Қазіргі заманда жастарға ақпараттық технологиямен байланысты әлемдік стандартқа сай мүдделі жаңа білім беру

My WebpageҚазіргі заманда жастарға ақпараттық технологиямен байланысты әлемдік стандартқа сай мүдделі жаңа білім беру өте қажет. Жас ұрпаққа білім беру жолында ақпараттық технологияны оқу үрдісіне қолдану мен оның тиімділігін арттырудың маңызы аса зор. Себебі ақпараттық технологиялардың барлық жаңалықтарын ең бірінші балалар қабылдайды, сондықтан балалардың жоғары танымдық қызығушылығын пайдаланып, олардың жеке тұлға ретінде дамуын қалыптастырамыз. Оқушы–оқу үрдісінің басты субъектісі, сондықтан баланың дамуына, оның ойлау қабілетін дамытуға оқушы мен мұғалімнің өзара ынтымақтастығы оқу процесіне қалыптастыру мен әртүрлі оқу іс-әрекетін қамтитын оқыту әдістерінің үйлесімдігі нәтижесінде жүзеге асырылуы тиіс. Қазіргі білім беру мазмұны жаңарып, жаңа көзқарас пайда болып, оқытудың жаңа технологиясы өмірге келді. Ұстаздардың алдына қойған міндет – оқытудың әдіс – тәсілдерін үнемі жетілдіру. Осы мақсатта мектебімізде әдістемелік кеңесте бастауыш сынып мұғалімі А.Б.Жакупова мен математика пәні мұғалімі Ж.Т.Самыжанның ұйымдастыруымен «Жаңашыл мұғалімнің жаңаша көзқарасы» тақырыбында дөңгелек үстел өтті. Дөңгелек үстел барысында мұғалімдерге ақпараттық технолгиялардың ішіндегі «Wordwall», «Quizizz» интерактивті тапсырма құру сервисін оқушылардың ақпаратпен жұмыс жасау іскерлігін қалыптастырып, коммуникативтік қабілеттерін, ақыл-ойын, танымдық және шығармашылық қабілеттерін дамытатындығын, сонымен қатар алған білімдерін практикалық іс-әрекетте қолдануға үйрететіндігін айтып, аталған бағдарламаларды қолдану жолдарын түсіндірді.