"Ұлағатты ұстаз-шәкірт мерейі"

Қазан айындағы ұстаздар қауымының төл мерекесі биылғы жылғы біздің қара шаңырағымыз үшін ерекше болды. Бала оқыту ісіне ғұмырланып келе жатқан мәңгілік нұрдың қызметшілері, ұстаздардың аға буыны өкілдерімен түлектердің сағындырған кездесуі мен қауышу күні десек те болады. Заманауи келбетке ие болған Абай атындағы қара шаңырақтың өткені мен бүгіні бір арнаға тоғысып, ыстық лебіздер, естеліктер айтылды. Ұзақ жылдар бойы осы мектепте ұстаздық жолын өткізген ардагерлер жас буынға ізгі тілектерін жеткізді. Уақыттың талап-тілегінен шығатын оқу кабинеттеріне саяхат жасалды. Көзден кетсе де көңілден кетпейтін қарт ұстаздарға сый-құрмет көрсетілді. Мектеп түлектері туған мектептеріне деген сағынышын баса алмай, балалық шақтарына қайтып оралғандай күй кешті.
Іс-шара бағдарламасына сәйкес, қонақтар мектеп ішін аралап, оқу кабинеттерімен танысты. Өздері отырған партаға отырып, балалық кездерін, ұстаздарын еске алды. Балабақша тәрбиешілерінің ұйымдастыруымен балалық шаққа саяхат жасалды. Қонақтарымыз сол кездегі балабақшада болғандай күй кешкендей әсер алды. Бастауыш сыныпта сол уақытты еске алып пионер галстугын тақты. Ностальгияға беріліп, бір сәттерге уақытты артқа жылжытқандай болды. Кездесу ұстаз бен шәкірт диалогымен ұласты. Іс-шара соңы мектептің өнерлі оқушылары әзірлеген концерттік бағдарламамен аяқталып, қалың көпті керемет әсерге бөледі. Келген барлық ардагер ұстаздар, түлектер, қонақтарымыз керемет көңіл-күймен тарқасты.
Әр жылдың түлектері білім ордаларына сыйлық алып келіп, атап айтқанда смарт теледидар, түрлі-түсті принтер, шаңсорғыш, қызыл кілем, сымсыз микрофон, 10 дана волейбол доптарын мектепке деген құрметтерін білдіріп табыс етті. Түлектерімізге мың алғыс!!!