Мұхтар Әуезов, Шерхан Мұртаза, Оралхан Бөкейдің туған күніне орай «Замана заңғарлары» атты сыныптан тыс іс-шара өтті.

Мектебімізде қыркүйек айының 28 күні Мұхтар Әуезов, Шерхан Мұртаза, Оралхан Бөкейдің туған күніне орай қазақ тілі мен әдебиеті пәні мұғалімдерінің ұйымдастыруымен «Замана заңғарлары» атты сыныптан тыс іс-шара өтті. Іс-шара барысында бүгінгі күннің ерекшелігі жайлы ақпарат беріліп, бейнематериал, презентация көрсетілді. 9-сынып оқушылары Темірбек Сезім Абай трагедиясынан үзінді, Ермұхамет Алуа “Қар қызы” повесінен үзінді оқыды.
Биыл қазақ әдебиетінің классигі, қоғам қайраткері Мұхтар Омарханұлы Әуезов туғанына 126 жыл, қазақ әдебиетінің көрнекті өкілі, шындықтың шырақшысы атанған Шерхан Мұртазаның туғанына 91 жыл, ал қазақ әдебиетінің ХХ ғасырдағы жарық жұлдыздарының бірі, Алтайдың кербұғасы атанған Оралхан Бөкейдің туғанына 80 жыл толып отыр.
#Біртұтас_тәрбие