13
декабрь
2021
«Жас Ұлан» және «Жас Қыран» балалар мен жасөспірімдер ұйымына қабылдау салтанатты жиыны
Мектебімізде ағымдағы жылдың 13 желтоқсанда Қазақстан Республикасының Тәуелсіздігінің 30 жылдығына орай, Республикалық бірыңғай «Жас Ұлан» және «Жас Қыран» балалар мен жасөспірімдер ұйымына қабылдау салтанатты жиыны өтті. Мектеп директоры, мектеп директорының орынбасарлары және мектебіміздің аға буын ұстаздары ұйым қатарына жаңадан қабылданған оқушыларға туымыз түстес көгілдір галстук және төс белгі тақты. Ант беру рәсімін мектеп парламенті президенті болып 2021 жылы сайланған 10 сынып оқушысы Оразбаева Дана өткізді, қалғандары «Ант етеміз, ант етеміз, ант етеміз» деп 3 рет дауыстап қайталады. Қабылданушылар патриот болуға, ел мен жерді, ата-ананы қадірлеуге, оқуда озат, еңбекте адал болуға, табиғатты аялауға ант берді.