14
июнь
2022
14 маусым күні «Балдәурен» жазғы демалыс лагері
14 маусым күні «Балдәурен» жазғы демалыс лагері өз жұмысын әдеттегідей көңілді жаттығумен бастады. Бүгінгі күннің тақырыбы «Ертегілер әлемі». Тақырып бойынша ІІ топ жетекшісі Қ.М.Амренованың жетекшілігімен Ертегілер еліне екі тілде саяхат жасады. Оқушылардың ертегі кейіпкерлері туралы білімдерін кеңейту, ойлау, қайта жаңғыртып еске түсіру арқылы қиялдай білуге үйрету, ертегілер арқылы балаларды адамгершілікке, мейірімділікке және адалдыққа, еңбексүйгіштікке тәрбиелеу, қиялдау, мәнерлеп сөйлеуге баулу, шығармашылық қабілетін дамыту. «Шалқан, Жеті лақ, Үйшік» ертегілерін балалар қызықтап тамашалады және үш топқа бөлініп түрлі тапсырмалар орындады. Атап айтсақ, бірінші топ кейіпкерлер туралы мозайка құрастырып, екінші топ орыс тілінде сахналап көрініс көрсетсе, ал үшінші топ сурет салды. Іс-шараның екінші бөлімінде оқушылар ертегі кейіпкерлеріне байланысты тақпақтар айтып, жұмбақтар шешті. Іс-шараның соңынан оқушылар қимыл-қозғалыс ойындарын ойнады. Түскі астан кейін үйірме жұмыстары жалғасын тапты. Үйірмеге оқушылар аса қызығушылықпен қатысты. Бүгінгі күн де өте қызықты өтті.
Бейнеролик
Бейнеролик