"Адалдық сағат"
2020 жылдың 17 қаңтарда яғни бүгін Абай атындағы мектеп-балабақша кешенінде жалпыреспубликалық «Адалдық сағаттары» өткізілді. Іс-шараның мақсаты – өскелең жас ұрпақтың бойында адалдық, парасаттылық, әділдік, сенім құндылықтарын сіңіруге және жас буынның рухани болмысын бекітіп, сыбайлас жемқорлыққа қарсы мәдениетін қалыптастыру. Аталған іс-шараға "Шар қаласы әкімінің аппараты" ММ бас маманы Хайруллинова Марзия Сайфуллиновна және Шар қ. ПБ ЖПБ УПИ полиция аға лейтенанты Амергазин Думан Монарбекұлы қатысты. Олар өздерінің өмірлік тәжірибесімен бөлісіп, тыңдаушы өскелең ұрпақ арасында парасаттылық мәдениетін қалыптастыру қағидалары туралы, адалдықтың маңыздылығы туралы, қоғамның рухани-адамгершілік құндылықтары айтып берді. Жастар – еліміздің бәсекеге қабілеттілігінің басты факторы. Сондықтан жас ұрпақ білім нәрінен бөлек, адалдық, парасаттылық, әділдік және сенім қағидаттарын бойына сіңіруі тиіс.