27
October
2023
«Оқу мен тәрбие егіз» тақырыбында ата-аналар жиналысы өткізілді.
Мектебімізде 27-қазан күні «Оқу мен тәрбие егіз» тақырыбында ата-аналар жиналысы өткізілді. Жиналыс ерекше форматта ұйымдастырылды. Алдымен ата-аналармен мектеп психологы Айгуль Ерсерікқызы психологиялық тренинг өткізді. Ата-аналар тамаша әсер алғаннан кейін жанданған қара шаңырағымыздың заманауи келбетін тамашалау экскурсиясы өтті. Мектеп ішін аралап болғаннан кейін мектебіміздің ұстаздары: Тунгатова Г.С. тәрбиеге байланысты, Бердибекова М.С. қауіпсіздік шаралары жөнінде, Жакупова А.Б. балаларын қалай жақтайды және Самыжан Ж.Т. мұғалім үйіне барғандағы көрініс сынды шеберлік сыныптарын өткізді. Ата-аналар мұғалімдердің шеберлік сыныптарына қатыса отырып, өз ойларын ортаға салды. Шеберлік сағаттары мектебіміздің өнерлі оқушылары дайындаған концерттік бағдарламамен жалғасты. Мектебіміздің Әнұраны орындалып, қыздарымыз мың бұралып би билеп, Көшендер отбасы ән шырқап, ең соңында хор балалары концерттік бағдарламаны аяқтады. Мектеп директоры міндетін атқарушы К. С.Жумукбаева сөз алып, ата-аналар жиналысының күн тәртібімен таныстырды. Күн тәртібіндегі мәселелер бойынша түсіндірме жұмыстары жүргізілді. І тоқсан бойынша оқушылардың үлгерімі мен жетістіктері жайлы ақпарат берілді. Құқықбұзушылықтың алдын алу, аутодиструктивті мінез-құлықтың алдын алу, тазалық сақтау, қаражат жинау мәселесі, мемлекеттік қызмет көрсету және ең соңында күзгі каникул кезіндегі қауіпсіздік іс-шаралары жайында айтылды. Жиналыс соңында ата-аналар бүгінгі ерекше форматта өткізілген жиналыс жөнінде ойларын айтып, мектептің жаңарған келбетіне тәнті болғандарын қуана жеткізді.
Отбасы – тәрбие көзі, мектеп оны шыңдаушы. «Тәрбиесіз берілген білім – тұл» деп ұлы ғұлама Әл-Фараби атап көрсеткендей, білімді ұрпақ тәрбиелеудің ата-ана мен мектептің тығыз байланысында өтуі биік нәтижеге жеткізеді.
#Біртұтас_тәрбие_Абай_облысы
#Ата_аналарды_педагогикалық_қолдау_орталығы_Абай_облысы
Отбасы – тәрбие көзі, мектеп оны шыңдаушы. «Тәрбиесіз берілген білім – тұл» деп ұлы ғұлама Әл-Фараби атап көрсеткендей, білімді ұрпақ тәрбиелеудің ата-ана мен мектептің тығыз байланысында өтуі биік нәтижеге жеткізеді.
#Біртұтас_тәрбие_Абай_облысы
#Ата_аналарды_педагогикалық_қолдау_орталығы_Абай_облысы